Tahuachunca simsayoq rimay cai Jornada Mundial para la Comunicaciones sociales jinallataq “Yayacunapa chaymanta Yayapa ruhuaynincuna cay mundo digital nisqanchic pachapi: ima musuq ricurimuqpas Taitachapa Siminpaqmi”. Cuyasqay Huayqeicuna chaimanta paniicuna: 1.- Chai ñaupaqman ruhuana Jornada Mundial de la Comunicaciones Sociales chaipa cay: “Yayacunapa chaymanta Yayapa ruhuaynincuna cay mundo digital nisqanchic pachapi: ima musuq ricurimuqpas Taitachapa Siminpaqmi” nisqan, sumaqtamam churacun cai Yayacunapa huatampi, naupaqtaraq yuyaimananapaq cay mundo digital nisqanchicmanta; caicunam riqui, lliu yayacunata yanapan Taitachapa sumaq Simimpaq. Llapa suyupi iglesiamanta cumunidadcunam ña churaruncuña naupaqmanrataraq llapa ricurimuq tecnología nisqanchiscunata, llapallan suyu llaqtacunapi. Cai musuq tecnología ricurimuqcunaqa yanapanmi llapallan sacerdotecunapa llancainimpaq. 2.- Llapa Yayacunapa ñaupaq caq llancaininqa arí Taitacha riqsichiimi; Chai Taitachapa simim runaman tucusqanta; chaimantapas Yayacunaqa qonanmi taitachapa tucui qespichina graciancunata llapallan sacramentocunapi. Iglesiaqa, Diospa umachasqan jina, canmi unanchasqa juñulla Dioshuan runahuan ricucunanpaq; chaimi lliu sacerdotecuna qayasqa Paihuan ruhuanapaq. Caipim taricun riqui, yayapa allin sumaq camachisqan ruraicuna, chai San Pablopa nisqanman jina: “Qellqaqa ninmi: manam pipas paipi iñiqqa usuchisqachu canqa… ari, lliu taitachapi sutimpi qayacuqcunaqa, qespicunqam”. Cunanmi riqui, ¿imainataq huaqyacunqacu arí manataq paipiqa iñincuchu? ¿Imainatataq iñinqacuri, manataq uyarincuchu paimanta rimaqtaqa? ¿chaimanta imainatataq uyarinqacu mana pipas huillaptinrí? ¿imainataq huillanqacuri ashuan mana cachasqarí? (Rom 10,11.13-15). 3.- Cay tucui rimay tecnología ruhuasqancuna cachcanmi cay tapucuicuna cutichinapaq. Caicunam lluqsimuncu jina cay pachapa tucui imaman cutirichcaptin, ricusqam caicuna ashuan yacca llapallan huaynacunapi. Cheqampim cai mundo digital nisqaqa, tucuipa atipasccan jina, quichachcan tucui ricuna-caqcunata chaimanta musuqchachcan san Pablopa qayaricuininta: “Ay imach ñoqamanta canman, mana Evangeliomanta rimariptii” (1Co 9,16). Chainam riqui, cai tucui ricurimuqcunahuan mana yapaillachu yapacun, ashuanqa taricunmi sumaq allinchasqa. Chaimi lliu sacerdotecunaqa taricun cai mundupa qallariininpi jinaraq, chaimi sichus cay tecnología nisqanchis huiñachinqa tucui tupanacuita, jinaptinqa, ashuanmi qayasqa canchis cay tucui tecnología nisqanchiscunman; utqaiman churanapaq Taitachapa servicionman. 4.- Cai tucui “medios de comunicación” ricurimuqcunaqa cachacanmanmi imapas chay internet nisqanchispi canallapaq. Ashuanmi mañan lliu yayacunata cai mundo digital nisqanchispi canampaq, huiñay taitachapa Evangelion raicu, sumaqta achca-achcman rimarinampaq cay mundo digitalpa chaupimpi. Arí rimarinaqa Evangeliomantaqa manam ñaupaq tecnología chaicunallahuanchu, ashuanqa tucui ricurimuqhuanmi, imapas chai foto video, animaciones, blog, pagina web chaicunahuampas. Chaimantapas tucui ricurimuq rimanacuhuanpas. 5.- Sacerdoteqa reqsichinanmá tucui Santa Iglesiapa huiñaininta tucui cai moderno tecnología caqcunahuan. Yanapananmi runacunata cunan, Jesucristopa uyan reqsinampaq. Chai raicum, juñunanmi tucui chai ricurimuqcunata, sumaq Taitachamanta yachaininman jina chaimanta sacerdotepa tiyasqanman jina. Yayacunaqa, cai mundo digitalhuan tupasqa caspan, llika hinam canan chai Taitachaman qusqan sonqompi. 6.- Cay mundo digital nisqanchispa chaupimpi ricuchinam chai saminchasqa Diospa cuyacuininta quiquin Jesucristopi; manam qepa pachallapi casqantatachu, ashuanmi ricuchinaqa cunan pachapi chaimanta caipi casqantapas. Chai pastoral nisqanchis, cai mundo digitalpa chaupimpi qahuachinam lliu runacunaman Dios caipi casqanta; Jesucristopim canchis llapallanchispaq (discurso a la Curia Romana…) 7.- ¿pim Taitachapa runanmanta sumaqta ruhuanman, cai hatu-hatun medio digitalpa chaupimpi, allin causaq pastoralta cunan pachacunapi? ¿pim arí allinta qonman chai tucui yachai sumaq qorita jina sumaq tiyacunapaq, jinallataq allinta qepaman ruhuananchispaq? Pipas cai tecnologiapi llancaqqa, allin sumaq ñantam tarichinan, tucui runacupapa almampa pesisqampi qahuarispa. Qayhuaricunam riqui, cai tucui mundo digitalpa chaupimpi, tucui señalcunata, Taitachata reqsinapaq; Runacunampas sumaq suyacuitam qona. Chaichiqui sumaqta SUMAQ SIMIPAS puririnman qocha ucuman jina, tucui hinastinman. Rimarinam imainam Dios cai mundupi sumaqta rinman ñaupaqman, tucui cai mundo digital nisqanchispa jahuampi, llapa sonqoman chayaicunancama; chaimantach ninman jucanamanta: “qayachcanim puncumanta. Pipas uyarispa quichahuaptinqa, yaicusaqmi hinaspam llapallanchis micurisun” (Ap. 3, 20). 8.- Jaina huatam rimarirqani chaipi llancaq runacunata, sumaq mirasqa cananpaq, llapallan runapa allinnimpi. Santa Iglesiaqa qayasqam cachcan sumaqta yanaparinampaq lliu tukuy suyupi, cai mundo digital nisqanchicpi. Taitachapa Evangelionta sunqopi churaicuspa jucanamanta ccaticunaTaitachapa Simin raicu. Cainata qallarispam, llapa cay mundo digital nisqanchicpi yuyarinanchicmi chai Diospa carumpi caq runacunatapas. jinallataq lliu runacunatapas. Imainam chai profeta Isaiaspas (Cf. Is. 56,7) yuyaimanarqa huk mañacuna huasillata llapallan llaqtacunapaq. 9.- Cai tecnología nisqanchicpa huiñaininqa cachcan llapallan runapa saminchasqanmi. Ashuanmi allin cachcan taitachapi iñiqcunapaqpas. Mainaña ñampi ricurimuqpas runapaqmi canan. Cai musuq ricurimuq rimanacuna yanapanmi llapallan sacerdotecunata imapas Taitachapa llancaininpi; ashuanmi allin cai iglesiapi runacuna juñusqa jina canancu; manataqmi qunqanachu imainam chai Yayacunapa ric-chaininqa lloqcin quiquin Taitachamantam; pai quiquintam riqui tarinchic chai mañacuininchicpi; paimantam riqui rimarinchic sumaq tiyaininchichuan; paitam riqui riqsinchi, cuyanchic chaimanta llapallan sacramentocunapi qochucunchi; chainallataq Santa Eucaristiapi y chaimanta confesionpipas. 10.- Cuyasqay Yayaicuna, jucanamantam niquichi sumaqta chai cunan ricurimuq tecnología nisqata hapiichic sumaqta yuyaimanaspa. Taitachayá tucuchisunquichis sumaqta, Taitachapa Siminta rimarinaiquichispaq; chainam qallarirqa juc-canamanta chai ágora llaqtapipas chai nuevos medios de comunicación. Cai munaicunahuanmi qayacuni Diopa mamitampa huaqaichacuininta, chaimanta Santo cura de Ars, jinallataq sumaqta qoiquichic sapacamaman cai apostolcunapa bendicioninta.